Mimoza (Acacia dealbata)

Pershkrimi

Mimoza është pjesë e familjes së Mimosaceae. Është një lule zbukuruese e vlerësuar për karakteristikat e saj (toptha me ngjyrë të verdhë), aromën delikate dhe intensive.Të importuara në Evropë nga anglezët në fillim të shekullit XIX, mimozat, ndryshe nga ç’mendohet, kanë një temperament shumë të zjarrtë, që u lejon të durojnë edhe temperatura nën 8 apo 10 gradë celsius. Ndërsa në botë kanë nisur festat dhe paradat e mimozave, edhe në Tiranë ato kanë çelur.

Kultivimi i mimozës

Për t’u mbjellë në kopsht, është e preferueshme të përzgjidhet një specie ose një varietet i caktuar në përshtatje më tipin e tokës. Kësisoj tipi i dëshiruar do të riprodhohet 100% dhe do të çelë qysh vitin e parë. Ajo që preferohet më tepër është “acacia retinodes” e njohur nga të gjithë si “mimoza e katër stinëve”.Mimoza duhet mbjellë në vende ku shihet mirë nga dielli dhe kur sapo është mbjellë të jetë e mbrojtur nga erërat. Duhet ujitur në periudhë thatësie, rregullisht por jo me tepri. Në rajonet e veriut dhe të lindjes si dhe në zona malore, duhet zgjedhur një vend shumë i mbrojtur, në një kënd të shtëpisë që rrihet mirë nga dielli. Në sezonin e dimrit, pas mbjelljes, duhet shtruar një shtresë prej 40 cm pleh për të mbrojtur këmbët e mimozës dhe daljen nga hapësira e rrënjës. Bima duhet mbështjellë me një mbulesë dimërore. Edhe në këtë rast duhet ujitur rregullisht por pa e tepruar.

Mimozat rigjenerohen shpejt, degët e prera duhet të ruhen për një ose dy ditë në temperaturë që shkon deri në 20°C dhe ku lagështia është maksimale, gjë që përshpejton rritjen e mimozës. Megjithatë mimoza ka një temperament të zjarrtë gjë që i lejon të rezistojë në temperatura që shkojnë në më pak se 8°C. Mimozat shiten gjysmë të çelura. Ato kanë një jetëgjatësi nga 6 në dhjetë ditë. Me ngjyrë të verdhë dhe parfum delikat, periudha e tyre e lulëzimit është pranvera. Degët e prera të mimozave (5 cm) duhen futur menjëherë në ujë të freskët përpara se të zhyten mandej për disa orë në njësasi uji të vakët.

Lulet e mimozave ruhen më mirë kur mbahen në një vend të freskët.

Punoi: Uendi Murthi